Sharyn ulttyq parkinde Qyzyl kitapqa engen sileýsin kózge tústi

NUR-SULTAN. QazAqparat – Sharyn memlekettik ulttyq tabıǵı parkiniń mamandary jabaıy ańdardy tirkeý barysynda Úlken Buǵutty taýynyń mańyndaǵy fototuzaqqa Túrkistan sileýsini túsip qalǵan, dep habarlaıdy QazAqparat tilshisi.

Vıdeony QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Facebook paraqshasynda jarııalady.

«Mysyq tuqymdastardyń bul túri Qazaqstannyń Qyzyl kitabyna engen. Qazaqstan faýnasynda kezdesetin sileýsinniń úsh túriniń birine jatady. HІH ǵasyrdyń sońynda Jetisý ólkesinde sileýsinder kóp bolǵan. Ol kezderi jylyna 200 sileýsin aýlanatyn. Ótken ǵasyrdyń 40-50 jyldary jylyna 20-30 sileýsin terisi daıyndalyp kelgen. 1976 jyly ony aýlaýǵa tyıym salyndy», - deıdi Sáken Dildahmet

Túrkistan sileýsini qary qalyń jerde tirshilik etedi. Azyq izdep, birshama jerge aýyp ketýi múmkin. Túnde belsendi. Keıde jalǵyz da júre beredi.

«Bir degende eki-úshten týady. Negizgi azyǵy - qoıan, sýyr, elik, qaban, taýeshki. Úı janýarlaryn da aýlaı beredi», - dep jazady ol.