Sharyn shatqalynda jartastan qulaǵan reseılik áıel qutqaryldy
12:37, 20 Tamyz 2023
QONAEV. QazAqparat – Almaty oblysy Sharyn shatqalynda jartastan qulaǵan reseılik áıel qutqaryldy, dep habarlaıdy QazAqparat.
«2023 jylǵy 20 tamyzda túngi saǵat 02.00-den bastap Almaty oblysy TJD Jedel-qutqarý jasaǵy qutqarýshylarynyń kúshimen 1990 jyly týǵan Reseı azamatyn jartastan evakýatsııalaý boıynsha jumystar júrgizildi. Áıel adam Uıǵyr aýdanynda Sharyn kanonyndaǵy (Qyzyl jartastar) jartastan 500 metr qashyqtyqqa domalap, ózdiginen kóterile almaǵan», - dedi Tótenshe jaǵlaılar mınıstrligi baspasóz qyzmetinen.
Ol 2023 jyldyń 19 tamyzynda saǵat 18.00 shamasynda Almaty qalasyndaǵy dostarymen kelgeni anyqtaldy.
Almaty oblysy TJD qutqarýshylary men tehnıkasynyń kúshimen saǵat 20.08-de áıel adam qutqaryldy.
TJD azamattardy týrıstik serýendeý kezinde qaýipsizdik sharalaryn saqtaýǵa shaqyrady.