Sharyn shatqalynda bir top týrıst qutqaryldy
«9 qazan kúni saǵat 22:05-te Almaty oblysy TJD kezekshi bóliminiń pýltine Almaty oblysy Uıǵyr aýdanynda ornalasqan Sharyn shatqalynyń qamal alqabynan 2 shaqyrym jerde 7 adam (5 er jáne 2 áıel) joǵalyp ketkeni týraly habarlama tústi. Olar 8 qazan kúni Bicycle Adventure club týrıstik agenttik gıdiniń basshylyǵymen Almaty qalasynan ketken. Belgili bolǵandaı, týrıster Almaty qalasynan Sharyn shatqalyna týrıstik agenttiktiń avtobýsymen baryp, ári qaraı jaıaý gıdpen jolǵa shyqqan.
Oqıǵa ornyna dereý qutqarýshylar jiberildi.
Іzdestirý jumystaryna 100-ge jýyq adam jumyldyryldy.
Túni boıy júrgizilgen izdeý nátıje bermegendikten, tańerteń tikushaqtyń ushýy josparlanǵan bolatyn.
«10 qazan kúni saǵat 08:30-da joǵalyp ketken týrıster tabylyp, qaýipsiz jerge evakýatsııalandy. Olarǵa medıtsınalyq kómek qajet bolmady», - dep tolyqtyrdy atalǵan vedomstvonyń baspasóz qyzmeti.
Almaty oblysynyń Tótenshe jaǵdaılar departamenti óziniń týrıstik baǵyttaryn josparlaý kezinde tómende kórsetilgen erejelerdi oryndaý kerektigin eskertedi:
1. Týrıstik marshrýtqa shyqpas buryn mindetti túrde Almaty oblysy TJD izdestirý-qutqarý bólimshesine tirkelip, departament qyzmetkerlerin kelesi elektrondyq mekenjaılar boıynsha habardar etińiz: edds_dchs_almob@emer.kz, od_dchs_almob@emer.kz, Almaty oblysy TJD Jedel-qutqarý jasaǵy kezekshisiniń telefondary: 8(7277)2 50450, 8(7282) 221591 jáne 8(7282) 223852, sondaı-aq 112. Baılanys telefondary men marshrýt syzbasyn kórsetińiz, sondaı-aq ketý jáne kelý kúnderin jáne basqa da qajetti aqparatty habarlańyz.
2. Qajet bolǵan jaǵdaıda qutqarýshylardy shaqyrý úshin uıaly baılanys aımaǵyn eskere otyryp, marshrýtty josparlaý kerek.
3. Qozǵalys bastalmas buryn, aýa raıy jaǵdaılary men kedergilerdiń yqtımaldyǵyn eskerip, yqtımal qaýipterdi muqııat baǵalaý kerek. Aýa raıy nasharlaǵan kezde joǵary kóterilýdiń ornyna tómen túsińiz.
4. Eger siz dostaryńyzben nemese kompanııamen saıahattasańyz, kópshilikpen birge bolǵanyńyz jón. Dári-dármekterdiń qajetti qory bar medıtsınalyq qobdısha bolýy kerek.
5. Ózińizben birge kompas alyńyz.
Osy qarapaıym erejelerdi este saqtaı otyryp, siz tótenshe jaǵdaılardyń aldyn alasyz.