Sharyn shatqaly, Kólsaı men Qaıyńdy týrıster úshin jabyldy
14:04, 17 Naýryz 2020
ALMATY. QazAqparat – Almaty mańaıynda barlyq týrıstik nysandarǵa týrıstik joldama berý toqtatyldy. Bul týraly Almaty oblystyq týrızm basqarmasynyń basshysy Janar Alshymbaeva aıtty, dep habarlaıdy QazAqparat tilshisi.
«Almaty oblysynyń barlyq týrıstik nysandary týrıster úshin jabyldy.Týrıstik fırmalarǵa týrpaket satýdy doǵarýǵa usynys berildi.Bizdiń bul áreketimizge túsinistikpen qaraýdy suraımyz. Ýaqytsha qolaısyzdyqtar jaqynda sheshimin tabady dep oılaımyz», - dedi Janar Alshymbaeva.
Onyń aıtýynsha, týrıstik nysandar Memleket basshysynyń jarlyǵyna sáıkes 2020 jyldyń 15 sáýirine deıin jabyq bolady.