Sharýalarǵa dızel 15%-ǵa tómen baǵamen satylady – mınıstr

<p>ASTANA. KAZINFORM &ndash; Bıyl egin maýsymynda sharýalarǵa 376 myń tonna dızel otyny bólindi. Bul týraly Aýyl sharýashylyǵy mınıstri Aıdarbek Saparov málim etti.&nbsp;</p>

«Sharýalardy jeńildetilgen janar-jaǵarmaı qamtamasyz etý maqsatynda baǵasy lıtrine 250 teńgemen 376 myń tonna dızel bólindi. Bul naryqtaǵy baǵadan 15%-ǵa arzan. Alaıda, jergilikti jerlerde dızeldi jóneltý jumystary óte baıaý júrgizilýde. Búginde 194,2 myń tonna ǵana (52%) dızel otyny jóneltildi. Osyǵan baılanysty, oblys ákimdikteri qysqa merzimde janar-jaǵarmaıdy kestege sáıkes jóneltýdi qamtamasyz etýi qajet», - dedi Aıdarbek Saparov Úkimet otyrysynda. 

Buǵan deıin mınıstr elimizdegi qant qoryna qatysty pikir bildirgen edi. 

Sondaı-aq Aıdarbek Saparov bıyl shegirtkemen kúreske 8,1 mlrd teńge bólingenin málim etti. 

Aıta keteıik, Úkimet basshysy Oljas Bektenov dıqandardan tyńaıtqyshtyń jetispeýshiligine qatysty shaǵym túsip jatqanyn aıtty.