Sharýalardyń nesıesin keıinge shegerý qalaı júrgiziledi

NUR-SULTAN. QazAqparat - QR Aýyl sharýashylyǵy mınıstri Saparhan Omarov sharýalar men fermerlerdiń nesıesin shegerý jumystary týraly aıtyp berdi, dep habarlaıdy QazAqparat.

«Qazirgi ýaqytta bul jumysty «QazAgro» kompanııasy men onyń enshiles uıymdary júrgizip jatyr. Naqty aıtar bolsaq, 7,9 mlrd teńgeniń ótinimi maquldandy. ıAǵnı, osy somadaǵy nesıeler keıinge qaldyryldy», - dedi mınıstr Úkimet úıinde ótken baspasóz máslıhatynda.

Sonymen birge, mınıstr nesıeni keıinge qaldyrýdyń qalaı rásimdeletinin túsindirdi.

«Keıinge qaldyrý máselelerin talqylaý úshin aýyl sharýashylyǵy taýaryn óndirýshiler «QazAgronyń» enshiles kompanııalaryna júginýi tıis. Bul - Agronesıe korporatsııasy, Aýyl sharýashylyǵyna qarjylaı qoldaý qory jáne «QazAgroQarjy». Uzartý merzimi boıynsha ár sharýashylyq jeke qaralady», - dedi S. Omarov.