Sharýalar aqshasyn únemdep, jaıylymdaǵy shópti baqylaýǵa almaıdy - maman
«Aktep» sharýashylyǵyndaǵy 253 bas maldyń ýlaný deregi elimizdegi sharýalardyń qateligin anyqtap berdi. Sebebi, jaıylym zerttelmeıdi, malǵa beriletin shóp zerthanalyq tekserýden ótpeıdi.
«Bul sharýashylyqtyń qatesi. Negizi malǵa shóp bermes buryn onyń quramyn bilý kerek. Osy oqıǵadan soń elimizdegi sharýalardyń qateligi anyqtalyp, ony joıý úshin maman daıyndaýǵa keńes berip otyrmyz. ıAǵnı, bir maman shóp bermes buryn mal azyǵyn baqylap, tekserýge tıis. Sharýashylyq azyqty ózi daıyndaǵany durys. Bul jerde jeke adamdar ázirleıdi. Olar aqsha alý úshin shóp tapsyrady, al sharýashylyq barlyǵyn teksermeı qabyldaı bergen»,- dedi QR Aýyl sharýashylyǵy mınıstri, Veterınarlyq baqylaý jáne qadaǵalaý komıtetiniń tóraǵasy Arman Óteǵulov.
Talap boıynsha mal azyǵy aldymen zerthanalyq tekserýden ótip, keıin ǵana azyq retinde berilýi kerek. Sonymen qatar, iri qara da tekserilip, salmaq jınap, tóldeýi úshin qandaı shóptiń paıdaly ekeni anyqtalýy tıis.
«Shetelden ákelingen mal kez kelgen ýaqytta kez kelgen shópten ýlanýy múmkin. Ol jaqta mundaı shóp joq. Sonymen qatar, elimizde jaıylym jer zerttelmeıdi. Ýly shópterdi anyqtaý úshin jaıylymdy da nazarda ustaý kerek. Esikmııanyń birer dáni maldyń ǵana emes, adamnyń ómirin qııady. Máselen, un daıyndaǵanda quramynan 2-3 mg tabylsa, un joıylady. Malǵa da bermeıdi. Jaǵdaıdy baqylap, qolǵa almasaq ýly shópten qyrylý bolǵan, bola beredi. Sebebi, sharýalar jaıylymǵa kóńil bólmeıdi. Olar mamandardy shaqyryp, jaıylymdy teksertip alýǵa shyǵyndalmaıdy. Jaıylymdy 4 jyl saıyn tekserse de jetkilikti. Negizi keshegi ýlanǵan maldyń eti qaýipti emes. Sharýashylyq asyǵys sheshim qabyldady. Tipti, mal azyǵyna jiberýge, qaıta óńdeýge bolatyn edi»,- dedi Mal sharýashylyǵy jáne veterınarııa ǵylymı-ınnovatsııa ortalyǵynyń dırektory Áljan Shamshadın.
Buǵan deıin habarlaǵanymyzdaı, shópten ýlanǵan taǵy 250 bas iri qara kofeınniń arqasynda aman qalǵan. Qazir sharýashylyqtaǵy jaǵdaı turaqty.