Shardja bir rettik plastık paketterge tyıym salady

ÁBÝ-DABI. QazAqparat – BAÁ-degi úshinshi iri ámirlik Shardjada bir ret qoldanylatyn plastık paketter men materıaldarǵa tyıym salynbaq. Jańa ereje qorshaǵan ortany qorǵaýǵa baǵyttalǵan jáne 2024 jyldan bastap qoldanysqa enedi, dep habarlaıdy QazAqparat tilshisi Khaleej Times-qa silteme jasap.

Sharja bıleýshisiniń orynbasary sheıh Sultan bın Ahmed bın Sultan Al Kasımıdiń tóraǵalyǵymen Sharjanyń atqarýshy keńesi 2024 jyldyń basynan bastap ámirlikte bir rettik plastıkalyq paketter men materıaldardy satýǵa, óndirýge, ákelýge nemese usynýǵa tyıym salynatyn qarar qabyldady.

Buǵan daıyndalý úshin osy jyldyń 1 qazanynan bastap ámirliktegi saýda núkteleri satyp alýshylardan bir rettik plastık paket úshin keminde 25 fıls (shamamen 31 teńge) óndirip alýdy bastaıdy. Onyń ornyna satyp alýshylarǵa ekologııalyq taza jáne kóprettik sómkeler usynylady.

Osyndaı tyıym 1 maýsymda Ábý-Dabıde kúshine endi, al 2024 jylǵa qaraı elorda ámirligi birtindep bir ret qoldanylatyn staqandardan, tabaqtardan jáne penoplast konteınerlerinen bas tartady.

Dýbaıda 1 shildeden bastap satýshylar plastıkalyq paket úshin 25 fıls ala bastady. Dýbaıdaǵy bólshek saýdagerlerdiń aıtýynsha, osydan keıin bir aı ishinde mundaı paketterdi paıdalaný 40 paıyzǵa azaıdy.

Foto: khaleejtimes.com