Shardaralyq kásipker Ramazan aıynda aýyldastaryna qoı taratty

ShARDARA. QazAqparat – Túrkistan oblysy Shardara aýdanynda jergilikti kásipker Ramazan aıynda qaıyrymdylyq sharasyn ótkizdi. Nımádillá Abdýllaev kómekke muqtaj, múgedek jáne kópbalaly otbasylarǵa zeket retinde bir-bir qoıdan úlestirip bergen, dep habarlaıdy QazAqparat tilshisi.

Kásipker qoıdy tirideı taratyp shyqqan. Osylaısha turǵyndardyń usaq maldy qajet kezde soıyp alýyna nemese qurbandyq shalýyna sep bolsyn degen nıetin bildirgen. Іsker azamattyń bul áreketine aýyl turǵyndary dán rıza.

«Árıne, Ramazan aıynda jasaǵan mundaı saýaptyń shapaǵaty kóp bolary sózsiz. Al, 21 toqtysyn tegin úlestirip berý ekiniń biriniń qolynan kele bermeıdi. Qıyn qystaý kezeńde halyqqa qoldaý bildirip, kómek kórsetken kásipkerge alǵystan basqa aıtarymyz joq»,- deıdi aýyl turǵyndary.