Shardarada jańadan salynǵan kópqabatty eki úı muqtaj otbasylarǵa beriledi
Aýdan ákimdiginiń málimetinshe, jalpy sany 80 páter az qamtylǵan jáne kópbalaly otbasylarǵa, úı kezeginde turǵan muqtaj januıalarǵa úlestiriletin bolady. Sonymen qatar qaladaǵy turǵyn úı qoryn jańǵyrtýǵa sáıkes, 2017 jyldan beri 14 kópqabatty turǵyn úı kúrdeli jóndeýden ótken bolatyn. Qaladaǵy jańadan ashylǵan «Ásem» móltekaýdanyn taza aýyz sýmen qamtý sharalary júrgizilip, búgingi tańda qurylys-montajdaý jumystary júzege asyrylýda.
Aǵymdaǵy jyldyń qyrkúıek aıynda shaǵynaýdan turǵyndary tolyq aýyz sýǵa qol jetkizedi dep josparlanyp otyr. Budan ózge, óńirde «Jol kartasy Jumyspen qamtý-2020» baǵdarlamasy aıasynda «Úsh Arys» skverin jáne Jibek joly kóshesin abattandyrý jumystary atqarylýda. Merdiger mekeme jelilik saıabaqqa plıtka jabynyn tósep, qorshaý ornatýda. Demalys ornyna shaǵyn sáýlettik nysandar salyp, kógaldandyrý jáne jaryqtandyrý isin qolǵa alǵan.
Atalǵan jumystar qyrkúıek aıynda tolyq aıaqtalady dep kútilýde. Jóndeý jumystary sondaı-aq, Shardara aýdandyq №1 balalar men jasóspirimder sport mektebi janyndaǵy ortalyq stadıonda da júrgizildi.
Al, jol qurylysy salasynda aýdan boıynsha uzyndyǵy – 18,04 shaqyrymdy quraıtyn barlyǵy 21 kóshege orta jóndeý jumystaryn júrgizý josparlanǵan. Búgingi tańǵa «Aýyl-El besigi» baǵdarlamasy aıasynda Kóksý aýyldyq okrýgi men Alataý batyr aýyldyq okrýginde jalpy sany 16 kóshege orta jóndeý jumystary júrgizilip, asfalt-beton tóselgen. Qalǵan kóshelerdi jóndeý jyl sońyna deıin aıaqtalady dep josparlanyp otyr.