Shardarada uly Abaıdyń ónegeli ómiri nasıhattaldy

TÚRKІSTAN OBLYSY. QazAqparat –Shardara aýdanyndaǵy Abaı eskertkishiniń aldyna gúl shoǵy qoıyldy. Sharaǵa aýdan ákiminiń orynbasary B.Shompıev pen mádenıet jáne tilderi damytý bóliminiń basshysy Sh.Qapbarov bastaǵan bir top qyzmetker qatysty, dep habarlaıdy QazAqparat tilshisi.

Eskertkishtiń aldynda sóz sóılegen aýdan ákiminiń orynbasary B.Shompıev keleshek urpaqqa óshpes iz qaldyrǵan Uly Abaıdyń ǵumyrynan syr shertip, oıshyldyń ónegeli ómirin árbir qazaq máńgilikke úlgi tutý kerektigin atap ótti.

Jetkinshekter Uly Abaı óleńderin onlaın túrde jatqa oqyp, búkil elge chellendj joldady. Aýdandaǵy ortalyq jáne aýyldyq jerlerdegi kitaphanalarda uly aqynyń óleńderi aıtylyp, onlaın kontsertter uıymdastyryldy.

Aıta keteıik, búginde shalǵaı aýdanynda kemeńgerge erekshe qurmet kórsetilip keledi. Atap aıtqanda, Shardara qalasyndaǵy ortalyq kóshe Abaı atymen atalady. Mektepterge de uly oıshyldyń esimi berilgen.