Shardarada sporttyń eki túrinen jarys ótti

ShYMKENT. QazAqparat - Ońtústik Qazaqstan oblysynyń Shardara aýdanynda Táýelsizdiktiń 25 jyldyǵyna oraı dzıýdo men qazaq kúresinen aýdandyq jarystar uıymdastyryldy, dep habarlaıdy aýdan ákimdiginiń baspasóz qyzmeti. 12 komanda qatysqan dzıý-do saıysy keshke deıin sozyldy.

Tatamıge shyqqan palýandardyń arasynda baby men baǵy kelisken sportshylar jeńiske jetip otyrdy. Jarys qorytyndysy boıynsha Uzyn ata jalpy orta mektebiniń komandasy birinshi oryndy ıelenip, jeńimpaz atandy.

S.Káttabekov atyndaǵy jalpy orta mektebi ekinshi oryndy ıelense, Shardara mektep-lıtseıi men Q.Amanjolov atyndaǵy jalpy orta mektebiniń komandalary úshinshi oryndardy qanjyǵaǵa baılasty.

Sol sııaqty, qazaq kúresinen ótken jarysqa da 12 komanda qatysyp, kúsh synasty. Jas palýandar arasynda S.Káttabekov atyndaǵy jalpy orta mektebiniń komandasynyń mereıleri ústem bolyp, jeńis tuǵyryna kóterildi. Al, Shardara mektep-lıtseıi ekinshi oryndy enshiledi. Uzyn ata men A.Álimbetov atyndaǵy jalpy orta mektepteriniń komandasy úshinshi oryndardy qanaǵat tutty. Aıta ketý kerek, Shardara aýdanynda el Táýelsizdiginiń 25 jyldyǵyna oraı túrli sharalar uıymdastyrylyp jatyr.

Al, sporttyq sharalardyń jóni bir bólek. Bul jeprde tek mereke qurmetine ǵana emes, sonymen qatar, aýdan jastaryn yntalandyrý, salaýatty ómir saltyn nasıhattaý maqsattarynda júzege asyrylýda.