Shardarada sheneýnik para aldy degen kúdikpen úıqamaqqa alyndy
16:52, 19 Qyrkúıek 2022
ShARDARA. QazAqparat - Shardara aýdany adamı áleýetti damytý bóliminiń basshysy 1 500 000 teńge para aldy degen kúdikke ilindi, dep habarlaıdy QazAqparat tilshisi.
Atalǵan aqparatty Túrkistan oblystyq soty rastady.
Kúdiktige memlekettik fýnktsııalardy oryndaýǵa ýákilettik berilgen adam bola tura, óziniń qyzmet babyn jeke bas paıdasyna paıdalanyp 1 500 000 teńge para aldy degen aıyp taǵylyp otyr.
«Túrkistan qalasynyń mamandandyrylǵan tergeý sotynyń 2022 jylǵy 14 qyrkúıektegi qaýlysymen kúdiktige úıqamaq túrindegi bultartpaý sharasy 3 aıǵa, 2022 jylǵy 21 qazan saǵat 15:08 mınýtqa deıin uzartylǵan», - delingen Túrkistan oblystyq sotynyń baspasóz qyzmeti taratqan aqparatta.