Shardarada erli-zaıyptylardan zańsyz aýlanǵan 180 keli balyq tárkilendi

ShARDARA. QazAqparat- Qazirgi tańda sotqa deıingi tergeý amaldary júrgizilýde,-dep habarlaıdy QazAqparat tilshisi.

Shardara aýdandyq polıtsııa bólimine tabıǵatty qorǵaý polıtsııasynyń ınspektory, polıtsııa maıory Bekmuhambet Teńgebaevtan Shardara sý qoımasynan brakonerlerdiń ustalǵany jóninde habarlama túsken.

Eki kúdiktiden 180 keli balyq pen balyq aýlaý quraldary tárkilendi. Sondaı-aq, tekserý barysynda kúdikti erli-zaıyptylar aýlaǵan balyqtaryn satyp, qomaqty qarjyny ıemdengileri kelgen.
Qazirgi ýaqytta atalǵan jaıtqa baılanysty QR QK-niń 335-baby 3-bóligi «Balyq resýrstaryn, basqa da sý janýarlaryn nemese ósimdikterdi zańsyz aýlaý» boıynsha sotqa deıingi tergeý amaldary júrgizilýde.