Shardarada balyqtardyń qyrylýy: Mınıstrlik aqparat taratty

NUR-SULTAN. QazAqparat - Shardara sý qoımasynda óli balyqtardyń tabylǵany týraly aqparatqa oraı sýdan synama alý jumystary júrgizildi. Bul týraly QR Ekologııa, geologııa jáne tabıǵı resýrstar mınıstrliginen málim etti, dep habarlaıdy QazAqparat.

«BAQ pen áleýmettik jelilerde Shardara sý qoımasynda óli balyqtardyń tabylǵany týraly aqparattyń jarııalanýyna baılanysty QR Ekologııa, geologııa jáne tabıǵı resýrstar mınıstrliginiń «Qazgıdromet» respýblıkalyq memlekettik kásiporny kelesi núktelerden jospardan tys sý synamalaryn aldy: Syrdarııa ózeni, Shardara sý qoımasyna deıin; Syrdarııa ózeni, Shardara qoımasy bógetinen 2 shaqyrym tómen (tómengi jaǵy); Shardara sý qoımasy, bógetten 2 shaqyrym joǵary; Shardara sý qoımasy, Serebrıanyı jaǵajaıynyń tusy; Shardara sý qoımasy, Qytaı qalashyǵy jaǵajaıynyń tusy«, - delingen mınıstrliktiń Telegram-paraqshasynda taratylǵan aqparatta.

Vedomstvo málimetinshe, sý sapasyn taldaý 46 kórsetkish, onyń ishinde basty ıondar, tastalǵan jáne organıkalyq emes zattar, aýyr metaldar boıynsha júrgiziledi.

»2020 jylǵy 22 naýryzda negizgi kórsetkishterdi taldaý nátıjeleri týraly aqparat jarııalanady. Sondaı-aq, 2020 jylǵy 26 naýryzda 5 táýlik boıy oryndalatyn «ottekti bıohımııalyq tutyný (5)» taldaýynyń nátıjeleri usynylady«, - dedi mınıstrlikten.