Shardarada balyq aýlaýdan jarys ótkizildi

ShYMKENT. QazAqparat - Jeke kásipker Baqytjan Sermanızov pen Shardara aýdandyq dene shynyqtyrý jáne sport bóliminiń uıymdastyrýymen balyq ustaýdan Halyqaralyq týrnır ótkizildi. Bul týraly oblys ákimdiginiń baspasóz qyzmeti habarlady.

Shardara sý qoımasynyń jaǵalaýynda ótken balyqshylar jarysyna Ózbekstan respýblıkasy men elimizdiń Astana, Almaty, Taraz, Qyzylorda, Ońtústik jáne Soltústik Qazaqstan sekildi birqatar qalalary men oblystarynan komandalar kelip qatysty. Eki kún boıyna ótken jarysta qarmaqpen eń kóp balyq aýlaǵan komandalar jeńimpaz atandy. Tóreshilerdiń sheshimimen І oryndy Shymkent qalasynyń «Aspan» komandasy ıelense, ІІ oryndy Ózbekstan respýblıkasynyń komandasy, ІІІ oryndy Saryaǵash qalasynyń «Altyn balyq» komandasy enshiledi. Jeńimpaz komandalar arnaıy syılyqtarmen marapattaldy. Aıta keteıik, mundaı balyqshylar arasyndaǵy dástúrli jarys birneshe jyldan beri Shardara teńiziniń jaǵasynda uıymdastyrylyp keledi. Bárin aıt ta, birin aıt, demalystyń tóresi - tunyqtan balyq aýlaý dep sanaıtyn azamattar balyqshylar jarysynan keremet áser alyp qaıtysty.