Shardara sý qoımasy men Kóksaraı sý rettegishinde kúrdeli jaǵdaı qalyptasyp otyr
«Qazirgi ýaqytta Shardara sý qoımasy men Kóksaraı sý rettegishinde kúrdeli jaǵdaı qalyptasýda. Onda sýdy durys rettemeý saldarynan 4,9 mlrd tekshe metr sý jınaldy. Bul ótken jylmen salystyrǵanda 2,2 mlrd tekshe metrge artyq. 14 qańtardan bastap, Arnasaıǵa sekýndyna 300 tekshe metr sý aǵyzý bastaldy», - dedi ıÝrıı Ilın.
Onyń atap ótýinshe, Túrkistan oblysynyń aýmaǵynda jaýǵan qardyń mol bolýyna baılanysty jaǵdaı kúrdelene túsedi. Bul rette oblys boıynsha taýlarda qar qory normadan 47-49 paıyzǵa artyq. Bul Arys ózeni arqyly Syrdarııaǵa erigen qar sýyn aǵyzýdyń is júzinde rettelmeıtin ulǵaıýyna jáne Syrdarııa ózeniniń tómengi aǵysyndaǵy eldi mekenderdi sý basý qaýpine ákep soǵady.
«Qyzylorda oblysynyń ákimdigi ózende jarylys jumystaryn júrgizý maqsatynda 10 mln teńge bóldi. 2023 jylǵy 16 qańtarda konkýrs jarııalandy. Syrdarııa ózeniniń jaǵalaýlarynan shyǵý qaýpin anyqtaý, sondaı-aq azamattyq qorǵaý júıesiniń ázirligin tekserý maqsatynda TJM jáne JAO jedel toby jolǵa shyqty. Sonymen qatar Ekologııa mınıstrligine Shardara sý qoımasynda jáne Kóksaraı sý rettegishinde sýdyń jınaqtalý barysyn baqylaý úshin Qyzylorda jáne Túrkistan oblystary ákimdikteriniń, TJ jáne Energetıka mınıstrlikteriniń mamandarynyń qatysýymen olardyń basshylyǵymen vedomstvoaralyq jumys tobyn qurý týraly usynys joldandy. Bul jaǵdaı, Prezıdent Ákimshiliginiń baqylaýynda ekenin atap ótkim keledi», - dedi mınıstr.
Ashyq kózderden alynǵan foto