Sharbaqtylyq turǵyn Astanadan Qarqaralyǵa deıin 1000 km joldy atpen júrip ótpek
Bul týraly Erjan Kákimbaev agenttikke bergen suhbatynda aıtty.
«12 maýsym kúni jolǵa shyǵýdy josparlap otyrmyz, - deıdi Erjan Kákimbaev. - Astanalyq jáne basqa da óńirlerden kelgen 10 shaqty adam shyǵady. Menimen birge jerlesim Serik Esjanov barýǵa nıet bildirdi. Kúnine 100 shaqyrymnan 10 kún jolda ótedi. Byltyrǵy jyly EKSPO-2017 kórmesine oraı Astana qalasynan Baıanaýyl aýdanyna deıin 600 shaqyrym joldy jylqymen júrip ótken bolatynbyz. Ata-babalarymyz sııaqty jolda uıyqtap, tamaqtanýǵa týra keledi. Alaıda taza aýada, tabıǵattyń aıasyndaǵy saıahattan alatyn áser erekshe».
«Kákimbaev» sharýa qojalyǵyna ıelik etip otyrǵan aýyl turǵyny 100 shaqty qara mal men bes bas jylqy ustaıdy. Jýyrda at týrızmin damytý maqsatynda 3 mln teńge qaıtarymsyz memlekettik grant alǵan. Bul qarjyǵa ol Almaty oblysynyń Qaskeleń qalasynan at ábzelderi men birneshe bas jylqy satyp alýdy kózdep otyr.
«Bir aıdan keıin 10 adamnan bastaýdy kózdep otyrmyz, - deıdi Erjan Kákimbaev. - Olardy Esilbaı aýylynan Ǵabdýl Ýahıt haziret kesenesine deıin 30 shaqyrym jerge jylqymen jetkizemiz. Jastardyń arasynda jaz mezgilinde jabaǵy jarysyn uıymdastyryp turamyz. Sebebi, mundaı sharalar bos ýaqytty tıimdi ótkizip, densaýlyqty nyǵaıtýǵa múmkindik beredi».
Bıylǵy jyly 10 naýryzda aýdannyń 90 jyldyǵyna oraı «Ertis ormany» rezervatynyń aýmaǵynda Esilbaı - Ǵabdýl Ýahıt haziret týrıstik aımaǵy - Esilbaı marshrýty boıynsha uzyndyǵy 85 shaqyrymdyq at týrızmi maýsymy ashylǵan.