«Shańyraq» turǵyn úı baǵdarlamasynyń arqasynda 15 937 páter salyndy – QR IIDM
Bul týraly QR Indýstrııa jáne ınfraqurylymdyq damý mınıstrliginiń baspasóz qyzmeti málim etti, dep habarlaıdy QazAqparat.
«Jergilikti atqarýshy organdardyń nesıelik turǵyn úı qurylysyn qarjylandyrýy úshin Ulttyq bank 180 mlrd teńge kóleminde oblıgatsııalyq qaryz berdi. Turǵyn úı qurylys jınaq júıesine qatysýshylardy nesıelendirý boıynsha «Otbasy banki» 210 mlrd teńge kóleminde qarajat bóldi. Bıylǵy jyldyń 10 naýryzdaǵy jaǵdaı boıynsha bank jalpy somasy 189,6 mlrd teńgege 15 222 nesıe bergen. Sonymen birge 47,4 mlrd teńgege 3587 ótinim maquldandy»,-delingen habarlamada.
Aıta keterligi, «5-10-20» turǵyn úı baǵdarlamasynyń júzege asyrylý barysy QR Úkimetiniń turaqty baqylaýynda. Jalpy «Shańyraq» pılottyq jobasyn júzege asyrýǵa 390 mlrd teńge qarajat bólingen.