Shańtóbe kentinde jańa qazandyqtyń qurylysy júrgizilýde - Aqmola oblysy

KÓKShETAÝ. QazAqparat - Aqmola oblysynyń Shańtóbe kentinde quny 1,5 mıllıard teńgege jýyq jańa qazandyqtyń qurylysy júrgizilmek, dep habarlaıdy QazAqparat tilshisi.

Joba «Óńirlerdi damytý-2020» memlekettik baǵdarlamasy arqyly júzege asyrylyp otyr. Jobanyń quny 1 mıllıard 243 mıllıon teńgeni quraıdy. Byılǵa 800 mıllıon teńge qarjy bólindi. Nysannyń qurylysyn 2018 jyly aıaqtaý josparlanǵan.

Qurylys jumystaryn «AZIıAENERGOPROEKTMONTAJ» JShS qolǵa alýda. Tehnıkalyq baqylaý «ELAMANCOMPANY» JShS jáne avtorlyq baqylaý «Progress Injınırıng» JShS tıesili.

Atalmysh qurylys alańynda bolǵan Stepnogorsk qalasynyń ákimi Ánýar Kúmpekeev kent ákimi Erjan Muqanov pen «Shantóbe-Energokompleks» JShS dırektory Rýslan Ptýhovke jumysty kestege saı júrgizýdi tapsyrdy.

Qazirgi kezde, qurylys alańy anyqtalyp, qazandyq pen kómir qoımasynyń irgetasyn qalaý jumystary bastalyp ketti.