Shańyraq kúni – jalpyulttyq otbasylyq qundylyqtar men kirshiksiz mahabbat kúni

<p>ASTANA. KAZINFORM<strong>&nbsp;</strong>&ndash; Shańyraq kúni qazaqstandyqtardyń jas urpaqty tárbıeleý mádenıetin kórsete otyryp, olardyń boıynda patrıotızm, adamgershilik pen eńbekqorlyqqa degen qushtarlyqty qalyptastyrýǵa úndeıdi.</p>

Mádenıet jáne aqparat mınıstrliginiń málimetinshe, qazaq mádenıetinde shańyraqtyń qadir-qasıeti aıryqsha. Ol – ári aspan kúmbezi, ári úı-jaı, ári tirek, ári baqýattylyq pen qaýipsizdik jáne urpaqtar sabaqtastyǵy.

Ol – urpaqtan-urpaqqa jalǵasyp kele jatqan materıaldyq jáne rýhanı mura, sonymen qatar otbasynyń turaqtylyǵy men urpaqtyń úzdiksiz jalǵasýynyń sımvoly.

Shańyraq – otbasy belgisi, sondyqtan da qazaq halqy jas jubaılardyń otaý quryp, shańyraq kóterýine erekshe mán bergen. Ata-babalarymyzda «Shańyraq kóterý» atty erekshe dástúr-salt bolǵan.

Jalpy, Naýryz merekesiniń jańa tujyrymdamasy aıasyndaǵy «Shańyraq» kúni jalpyulttyq otbasylyq qundylyqtar men kirshiksiz mahabbat kúnine aınalady deýge negiz bar.