Shanhaıǵa sońǵy 75 jyldaǵy eń qýatty taıfýn kelip soqty

<p>ASTANA. KAZINFORM &ndash; Sońǵy 75 jyldaǵy eń kúshti taıfýn Qytaıdyń shyǵysyna kelip soqty. Bul týraly <a href="https://www.shine.cn/news/metro/2409158072/" target="_blank" rel="noopener">&laquo;Shanghai Daily&raquo;</a> habarlady.</p>

«Bebınka» dep atalatyn taıfýnnyń Qytaıdaǵy 1949 jyldan bergi eń qýatty taıfýn bolǵany atap ótildi.

Qytaı ortalyq meteorologııalyq basqarmasynyń habarlaýynsha, «Bebınka» taıfýny Pýdýn Jańa aýdany men Chjetszıan provıntsııasynyń Chjoýshan qalasy arasynda bolǵan.

Qaýipsizdik sharasy retinde qalanyń eki áýejaıy, sonyń ishinde Shanhaı Pýdýn jáne Hýnchıao halyqaralyq áýejaıy osy jyldyń 15 qyrkúıeginde saǵat 20:00-den keıin barlyq reısterdi toqtatty.

Anyqtama úshin, 1949-2023 jyldar aralyǵynda Shanhaıda barlyǵy 10 taıfýn boldy, olardyń kópshiligi qalaǵa jetkende tropıkalyq daýyl dárejesine deıin kóterilgen.