Shanhaıda ótken «Máńgilik El» konferentsııasyna 150-den astam adam qatysty (FOTO)
Sharany Azııa jáne Okeanııadaǵy «Halyqaralyq baǵdarlamalar ortalyǵynyń» ókildigi jáne QR-diń Shanhaıdaǵy konsýldyǵy uıymdastyrǵan.
Konferentsııanyń ashylý barysynda Qazaqstan Respýblıkasynyń Shanhaı qalasyndaǵy Bas konsýly Joshyhan Qyraýbaev Ult kóshbasshysy, QR Prezıdenti Nursultan Nazarbaevtyń qazaqstandyq uqsastyq pen birlikti nyǵaıtý máselesinde jastarǵa úlken senim artatyndyǵyn atap ótti. Bul, ásirese shetelde bilim alyp júrgen jáne búkil álemdik qaýymdastyq úshin birlik pen tózimdilik úlgisi bolýy tıis qazaqstandyqtar úshin erekshe mańyzdy.
Shara qatysýshylaryna stýdentterdiń «Máńgilik El» jalpyulttyq ıdeıasynyń túrli aspektilerin, Qazaqstan halqy Assambleıasynyń jáne qazaqstandyq jastardyń «Uqsastyq pen Birlik» tórtinshi ınstıtýtsıonaldyq reformasyn, QHA-nyń «Úlken el - Úlken otbasy» ulttyq jobasyn iske asyrýdaǵy róli men orny máselelerin qozǵaıtyn 9 baıandamasy usynylǵan.
Konferentsııanyń qorytyndysy boıynsha barlyq baıandamashylar men sóz sóılegender QR-nyń Shanhaıdaǵy Bas konsýlynyń atynan estelik syılyqtarmen marapattaldy.
Eske sala keteıik, qazirgi ýaqytta Shanhaıdaǵy Bas konsýldyqtyń konsýldyq okrýgine kiretin Shyǵys Qytaıda 1,5 myńnan astam qazaqstandyq stýdent bilim alýda, olardyń arasynda QR Prezıdenti N.Nazarbaevtyń «Bolashaq» stıpendııasynyń ıegerleri de bar.
Shanhaı, Nankın jáne Hanchjoý qalalarynda Bas konsýldyq pen Azııa jáne Okeanııadaǵy «Halyqaralyq baǵdarlamalar ortalyǵy» ókildiginiń qoldaýymen QHR-da oqıtyn qazaqstandyq stýdentterdi biriktirý jáne patrıottyq tárbıeleý jumysyna belsendi jumyldyrylǵan Qytaıdaǵy qazaqstandyq stýdentterdiń biryńǵaı qaýymdastyǵynyń bólimsheleri qyzmet etýde.