Shanhaıda qazaq tili men mádenıeti ulyqtaldy

BEIJІŃ-ShANHAI. QazAqparat -Shanhaıdaǵy QR Bas konsýldyǵy Shanhaı shet tilderi ýnıversıtetimen birlesip qazaq tili men mádenıeti aptalyǵyn ótkizdi, dep habarlaıdy «QazAqparat» HAA Qytaıdaǵy menshikti tilshisi.

«Rýhanı jańǵyrý» baǵdarlamasyn iske asyrý aıasynda ótkizilgen sharaǵa Shanhaı qalasy halyq úkimetiniń ókilderi, sarapshy uıymdar, qazaq dıasporasy, ýnıversıtet ustazdary men qazaqstandyq stýdentter, sheteldik dıplomattar jáne BAQ ókilderi qatysty.

Aptalyqtyń qurmetti qonaqtary qatarynda qazaqstandyq jáne qytaılyq sazgerler Baqytjan Baıqadamov pen Sıan Sınhaıdyń qyzdary boldy.

Qazaqstannyń Qytaıdaǵy Bas konsýly Joshyhan Qyraýbaev eki el arasyndaǵy dıplomatııalyq qarym-qatynastarǵa toqtala kelip, bizdiń eldegi iske asyrylyp jatqan memlekettik baǵdarlamalar, Máńgilik el ıdeıasy týraly aıtty.

Mádenı aptalyq aıasynda «Kóshpendiler» jáne «Jaý júrek myń bala» fılmderi kórsetildi.