Shanhaıda er adam saýda ornyndaǵy adamdarǵa pyshaqpen shabýyl jasap, úsheýin mert qyldy

<p>ASTANA. KAZINFORM - 30 qyrkúıek kúni keshte Qytaıdyń Shanhaı qalasyndaǵy sýpermarketterdiń birinde kúdikti pyshaqpen shabýyl jasap, úsh adamnyń ómirin qıdy, dep habarlaıdyqytaılyq <a href="ASTANA.%20KAZINFORM%20-%2030%20qyrkúıek%20keshte%20Qytaıdyń%20Shanhaı%20qalasyndaǵy%20sýpermarketterdiń%20birinde%20kúdikti%20pyshaqpen%20shabýyl%20jasap,%20úsh%20adamnyń%20ómirin%20qıdy,%20dep%20habarlaıdy%20QazAqparat%20qytaılyq%20BAQ-qa%20silteme%20jasap." target="_blank" rel="noopener">BAQ</a>.</p>

Shanhaı qalalyq Qoǵamdyq qaýipsizdik basqarmasynyń búgin tańǵa jýyq bergen aqparatyna sáıkes, Sýntszıan aýdanynyń Sýnhýı jolyndaǵy sýpermarkette pyshaqpen shabýyl jasaǵan 37 jastaǵy Lın esimdi er adam oqıǵa ornynda ustalǵan. 

Málimdeme túrli deńgeıde jaraqat alǵan 18 adamnyń aýrýhanaǵa jiberilgeni, olardyń úsheýi jan saqtaý bóliminde jatqan kezinde kezinde qaıtys bolǵany aıtyldy. 

Áleýmettik jelide tarap ketken vıdeolardyń birinen kógildir kóılek, qara shalbar kıgen er adamnyń eki qolyna pyshaq ustap, sýpermarkettiń qasynan ótip bara jatqanyn, al júrginshilerdiń jan-jaqqa qashyp bara jatqanyn kórýge bolady. 

Al kelesi bir beınejazbada pyshaqqa jyǵylǵan eki adamnyń jerde qanǵa boıalyp jatqany kórsetilgen. 

Qytaı polıtsııasynyń aqparatyna sensek, aldyn ala boljam boıynsha, 37 jastaǵy kúdikti Shanhaıǵa basqa aımaqtan «jeke qarjylyq daýǵa» baılanysty «ashýyn shyǵarý» úshin ádeıi kelgen. 

Sýntszıan – Shanhaıdyń ońtústik-batysyndaǵy halyq tyǵyz ornalasqan aýdan, Qytaıǵa belgili Sýntszıan ýnıversıteti qalashyǵy osy aýdanda. 

Eske sala keteıik, búgin Qytaı Halyq Respýblıkasy 75 jyldyq mereıtoıyn toılap jatyr.