Shanhaıda 5 qarashada VI Qytaı halyqaralyq ımport kórmesi ashylady

<p>Shanhaı qalasynda 5-10 qarasha aralyǵynda 6-shy Qytaı halyqaralyq ımport kórmesi (China International Import Expo, CIIE) ótedi. Bul týraly brıfıng kezinde QHR SІM resmı ókili Van Veıbın málim etti, dep habarlaıdy <a href="Kazinform" target="_blank" rel="noopener">Kazinform </a>agenttiginiń menshikti tilshisi.</p>

QHR SІM habarlamasynda CIIE kórmesiniń ashylý saltanaty men oǵan qatysty is-sharalarǵa Qazaqstan premer-mınıstri Álıhan Smaıylov, Aýstralııa premer-mınıstri Entonı Albaneze, Kýba premer-mınıstri Manýel Marrero, Serbııa premer-mınıstri Ana Brnabıch pen basqa da elderdiń delegatsııa basshylary qatysady.

Jalpy 6-10 qarasha aralyǵyndaǵy 6-shy Qytaı halyqaralyq ımport kórmesine álemniń 154 eli men óńiri, sondaı-aq halyqaralyq uıym ókilderi qatysady. Qazirgi ýaqytta qatysý úshin 3,4 myń kompanııa tirkelgen. Oǵan 410 myńǵa jýyq kásibı satyp alýshylar keledi degen boljam bar.
Bıyl 70 el ulttyq ónimderin tanystyrady.

Foto: Rýslan Sýleımenov/Kazinform

Qazaqstan bul kórmege alǵash ashylǵan 2018 jyldan beri qatysyp kele jatqanyn aıta keteıik.
Buǵan deıin Kazinform habarlaǵandaı, bıyl Qazaqstan eki stendte tur. Birinshisi - memleketter stendi. Munda Kazakh Invest, Kazakh Tourism, QTJ, Air Astana, Qazposhta, UAQ jáne basqa da iri ulttyq kompanııalar eldiń eksporttyq, ınvestıtsııalyq, logıstıkalyq, ınnovatsııalyq jáne týrıstik áleýetin tanystyrady. AÓK sektory atynan Et odaǵy, Qazaqstannyń Maıly daqyldardy qaıta óńdeý ulttyq qaýymdastyǵy, Dán odaǵy men Óndiristik korporatsııa bar.

Photo: Ruslan Suleimenov/ Kazinform Agency

Ekinshi stend - kommertsııalyq emes, onyń alańynda otandyq taýar óndirýshiler Qytaı naryǵynda suranysqa ıe AÓK ónimin tanystyrady.