Shanhaı bir kúnde koronavırýs juqtyrǵandardyń eń kóp sanyn tirkedi

BEIJІŃ. QazAqparat - Shanhaıda ótken táýlikte koronavırýs juqtyrǵan 26 330 adam tirkeldi. Buǵan Qytaı Halyq Respýblıkasynyń Gıgıena jáne densaýlyq saqtaý memlekettik komıtetiniń sársenbide jarııalanǵan málimetteri dálel, dep habarlaıdy QazAqparat tilshisi.

Vedomstvonyń málimdemesinde aıtylǵandaı, seısenbide anyqtalǵan vırýs juqtyrǵandardyń ishinde koronavırýs dıagnozy tek 1 189 adamda rastaldy, qalǵan 25 141 adam sımptomsyz tasymaldaýshylar bolyp shyqqan.

Materıktik Qytaıda pandemııa bastalǵannan beri COVID-19 dıagnozy qoıylǵandardyń jalpy sany 167 myńnan asty, 140 myńnan astam adam jazylyp, aýrýhanalardan shyǵaryldy, 4638 adam qaıtys boldy.

Koronavırýstyń jańa tolqyny materıktik Qytaıdyń ákimshilik-aýmaqtyq birlikteriniń kópshiligin sharpydy. 11 sáýirdegi jaǵdaı boıynsha Qytaıda koronavırýsqa qarsy jalpy 3,3 mıllıard doza vaktsına engizildi.