Shanhaı aýrýhanasynda belgisiz bireý tórt adamǵa pyshaq saldy

BEIJІŃ. QazAqparat – Senbi kúni tústen keıin Qytaıdaǵy Shanhaı qalasynyń aýrýhanasynda belgisiz bireý adamdarǵa pyshaq ala júgirdi. Bul týraly QazAqparat jergilikti The Paper basylymyna silteme jasap habarlaıdy.

Aqparatqa sáıkes, oqıǵa Shanhaıdyń Hýanpý aýdanyndaǵy aýrýhanada bolǵan. Pyshaqpen jasalǵan shabýyl saldarynan tórt adam zardap shekti.

Oqıǵa ornyna jetken polıtsııa qyzmetkerleri shabýyldaýshyǵa oq jaýdyryp ustady. Er adamnyń esimi habarlanǵan joq.

Qazirgi kezde zardap shekken tórt adam dárigerler baqylaýynda, olardyń alǵan jaraqaty ómirine qaýip tóndirmeıdi.

Er adamnyń bul áreketine ne sebep bolǵany belgisiz. Polıtsııa oqıǵaǵa qatysty tergeý amaldaryn bastady.

Foto: hospitaltimes.co.uk