Shańdy daýyl, qatqaq, naızaǵaı: Beısenbige arnalǵan aýa raıy boljamy

ASTANA. QazAqparat - Qazgıdromet mamandary 4 mamyr, beısenbige arnalǵan aýa raıy boljamyn usyndy, dep habarlaıdy QazAqparat.

Atmosferalyq fronttardyń áserinen respýblıkanyń batysynda nóser jańbyr, keı ýaqytta naızaǵaı men burshaq jaýady.

Ońtústik-shyǵys pen shyǵysta jańbyr men qar túsýi yqtımal.

Respýblıka boıynsha jel kúsheıedi, ońtústikte, ońtústik-shyǵysta, batysta - shańdy daýyl, soltústik-batysta tuman túsedi.

Túnde Almaty, Jetisý, Qostanaı oblystarynda, Ulytaý oblysynyń soltústigi men shyǵysynda, Jambyl oblysynyń taýly aýdandarynda topyraq betinde 1-6 gradýs úsik júredi.

Túrkistan oblysynyń soltústigi men batysynda, taýly aýdandarynda jel ekpini - 23-28 m/s, kúndiz taýly aýdandarda 30 m/s asady.