Shamalǵan stantsııasyndaǵy jol ótkeli 2020 jyly salynady dep josparlanýda
21:24, 27 Qyrkúıek 2019
NURSULTAN. QazAqparat - Shamalǵan stantsııasyndaǵy jol ótkeli 2020 jyly salynady dep josparlanýda. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Baspasóz málimetterine qaraǵanda, Shamalǵan stantsııasyndaǵy temirjol ótkelinde oryn alǵan tótenshe oqıǵany eskere otyryp, sondaı-aq, jol qozǵalysy qaýipsizdigin qamtamasyz etý jáne jergilikti turǵyndarǵa qolaıly jaǵdaı jasaý maqsatynda QR Premer-mınıstri Asqar Mamınniń tapsyrmasy boıynsha atalmysh stantsııadaǵy jol ótkeliniń qurylysyna qarjy qarastyryldy.
Qazirgi tańda Shamalǵan stantsııasyndaǵy jol ótkeliniń qurylysyna jobalyq-izdestirý jumystary júrgizilip jatyr. Atalmysh jumystar 2020 jyldyń sáýir aıynda aıaqtalady dep josparlanýda.
Qurylys-montajdyq jumystar jospar boıynsha 2020 jyldyń sońyna deıin aıaqtalmaq.
Qazaqstannyń avtomobıl joldarynda temirjol arqyly ótetin 1058 qıylys bar.