Shalqar jol dıstantsııasynyń basshysy jumysqa turǵyzý úshin 1,2 mln teńge para alǵan
18:08, 10 Qazan 2019
ShALQAR. QazAqparat - Shalqar jol dıstantsııasynyń bastyǵyna jemqorlyq qylmys jasady degen aıyp taǵyldy, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.
Aqtóbe oblysynyń sybaılas jemqorlyqqa qarsy qyzmeti «QTJ «UK» AQ fılıaly Aqtóbe magıstraldyq jeli bólimshesiniń Shalqar jol dıstantsııasynyń bastyǵyna qatysty para aldy degen kúdikpen sotqa deıingi tergeýdi bastady.
Ol qala turǵynynan onyń ulyn jumysqa ornalastyrǵany úshin jalpy somasy 1 200 000 teńge kóleminde para aldy degen kúdikke ilinip otyr.
Sotqa deıingi tergeý jalǵasýda. Kúdikti ustalyp, Aqtóbe qalalyq polıtsııasynyń ýaqytsha ustaý ızolıatoryna qamaýǵa alyndy.
Kúdiktige qatysty túpkilikti sheshimdi sot qabyldaıdy.