Shalqar kóliniń janynda úlken týrıstik nysan salynbaq
Vedomstvo basshysy arnaıy ashylǵan ortalyqta azamattardy qabyldaǵan.
«Mádenıet jáne sport mınıstrliginiń nazaryn talap etetin máselelermen tanystym. Qabyldaýda kóterilgen taqyryptardyń biri Soltústik Qazaqstanda týrızmdi damytý boldy. Shalqar kóliniń janynda úlken týrıstik nysan salý jobasynyń avtorlarymen kezdestim. Joba 2019 jyldan bastap SQO ákimdigimen birlesip ázirlenip jatyr, sondaı-aq «Kazakh Tourism UK» AQ maquldaǵan. Alaıda ony júzege asyrý úshin qolaıly jer ýchaskesin bólý qajet», - dep atap ótedi mınıstr.
Mınıstrdiń aıtýynsha, bul másele ákimdik quzyretinde jáne ony zańnamalyq deńgeıde sheshý qajet. Sondaı-aq jergilikti atqarýshy organdarmen jáne Ekologııa mınıstrligimen birlesip jumys isteýdi talap etedi.
«Taǵy bir másele — kásibı gıdterdiń jetispeýshiligi. Mundaı kadrlardy daıarlaý otandyq týrızmdi damytýda óte mańyzdy. Sondyqtan biz bul máselemen de belsendi aınalysamyz», - dedi Ashat Oralov.