ASTANA. QazAqparat – Batys Qazaqstan oblysyndaǵy Shalqar kólinde 38 jastaǵy áıel sýǵa kete jazdady, dep habarlaıdy QazAqparat tilshisi.
BQO TJ departamentiniń baspasóz qyzmetinen málim etkenindeı, oqıǵa 30 shilde kúni Terekti aýdany Saryómir aýyly mańyndaǵy Shalqar kólinde boldy.
«Saǵat 19.19-da Shalqar kólinde jel saldarynan matratstaǵy bir adamdy tolqyn alyp bara jatqany jóninde habar túsken. Oqıǵa ornyna shuǵyl jetken BQO TJD jedel qutqarý jasaǵy 38 jastaǵy áıeldi aman alyp qaldy. TJ departamenti sýǵa shomylý kezinde qarapaıym qaýipsizdik erejesin saqtaý kerektigin eske salady», - dep habarlady vedomstvodan.
Departamentten alynǵan málimetke qaraǵanda, bıyl jyl basynan beri óńirde 6 adam sýǵa ketken.
Búgingi áıeldi qosqanda, 10 adam qutqarylsa, sonyń jeteýi – bala.
Eske sala keteıik, budan buryn Aqsaı qalasynda kópqabatty úıdiń órtengenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).