Shalqar Baıbekov Abaı oblysy ákiminiń birinshi orynbasary bolyp taǵaıyndaldy

<p>Abaı oblysy ákiminiń birinshi orynbasary bolyp Shalqar Baıbekov taǵaıyndaldy, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

Shalqar Zamanbekuly 1967 jyly qazirgi Abaı oblysy Abaı aýdanynda dúnıege kelgen. 1996 jyly Qazaqstan memlekettik basqarý Akademııasynda «Ekonomıst» mamandyǵyn, keıin Qazaqstan memlekettik zań Akademııasyn «Zańger» mamandyǵy boıynsha támamdaǵan. Eńbek jolyn 1988 jyly burynǵy Semeı oblysy Jańasemeı aýdandyq Memlekettik saqtandyrý ınspektsııasynyń aǵa ınspektory bolyp bastady.

1988-1999 jyldary Semeı qalasy jáne Semeı oblysy boıynsha salyq ınspektsııasynyń bas memlekettik ınspektory, bólim bastyǵy, Salyq ınspektsııasynyń birinshi orynbasary, 1999-2014 jyldary Pavlodar qalasy boıynsha Salyq komıtetiniń tóraǵasy, Astana qalasy boıynsha Salyq komıteti tóraǵasynyń orynbasary boldy.

2014-2017 jyldary Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory laýazymyn atqarǵan.

2017-2019 jyldary Shyǵys Qazaqstan oblysy ákiminiń orynbasary, 2019-2021 jyldary Shyǵys Qazaqstan oblysy Besqaraǵaı aýdanynyń ákimi bolyp qyzmet atqardy. 2022 jyldyń shilde aıynda Abaı oblysy ákiminiń orynbasary bolyp taǵaıyndalǵan.