Shalǵaı aýyldarda júrgen ónerpazdardy úlken saxnaǵa shyǵaramyz - Qarın
"Qazaqstan" RTRK" basqarma tóraǵasy Erlan Qarınniń aıtýynsha, 9-27 tamyz aralyǵynda jobanyń irikteý týrlarynyń kúndeligi kórsetiledi. Al baıqaýdyń tolyq nusqasy 3 qyrkúıekten bastap ulttyq arnanyń efırine shyǵady.
"Al búgingi baspasóz máslıxatyn ótkizýimizdiń basty maqsaty - bul jobany múmkindiginshe búkil elge jetkizip, alystaǵy aýyldar men aýdandardaǵy daryndy ónerpazdarymyzdy tartý. Bizge tek oblys ortalyǵynda júrgen ónerpazdardy ǵana emes, shalǵaı aýdandardaǵy qarapaıym óner maıtalmandaryn da taýyp, úlken saxnaǵa shyǵarýymyz qajet. Bul - bizdiń túpki maqsatymyz. Aldaǵy ýaqytta biz baıqaýǵa qatysty xabarlandyrýlardy áli de taratatyn bolamyz. Osy jumysqa korporatsııanyń barlyq oblystyq bólimsheleri atsalysady", - deıdi Qarın.
Aıta keteıik , búgin Astanada ótken baspasóz máslıxatynda QR Aqparat jáne kommýnıkatsııalar mınıstri Dáýren Abaev "Men qazaqpyn" atty xalyqaralyq megajobanyń bastalatynyn jarııalady. Baıqaýdyń basty maqsaty - qazaq xalqynyń tól óneri, sonyń ishinde jyr-termeler men kúılerdi búgingi zaman talabyna saı jańartyp, óskeleń urpaqqa jetkizý. Ol úshin arnaıy toby árbir oblysty aralap, jobaǵa qatysýshylardy irikteıdi. Oq boıy ozyq shyqqandar televızııalyq baıqaýǵa joldama alady. Baıqaýǵa qatysýshylardyń jas ereksheligi - 18 ben 40 jas aralyǵy. Sondaı-aq saxnaǵa shyǵatyn ónerpazdardyń kıimi qazaqy úlgide ári búgingi zaman talabyna saı bolýy tıis. Jobaǵa Qazaqstan azamattarynan bólek, Reseı, Qytaı men Mońǵolııa jerinde turatyn qandastarymyz da qatysa alady.