Shalǵaı aýyl turǵyndary «Qazposhta» arqyly deklaratsııa tapsyrady – mınıstr

<p>ASTANA. KAZINFORM &ndash; QR Qarjy mınıstri Mádı Tákıev kelesi jyly barlyq azamattar tabys kózi týraly deklaratsııany qalaı tapsyratynyn tusindirdi.</p>

«Kelesi jyldan bastap barlyq azamattar ózderiniń tabysy týraly deklaratsııa tapsyrady. Biz oǵan daıynbyz ba?», - dep suraq qoıdy QR Premer-Mınıstri Oljas Bektenov Úkimettiń búgingi otyrysynda.

Óz jaýabynda Qarjy mınıstri kelesi jyly barlyq azamattar deklaratsııa tapsyratyn 4-kezeń iske qosylatynyn jáne jalpy 13 mln adam qamtylatynyn eske saldy.

«Kelesi jyly jalpy 13 mln adam deklaratsııa tapsyrady. Oǵan biz daıynbyz. Biz aýdandyq salyq basqarmalarynda 222 konsýltatsııa ornyn ashtyq, onda barlyq kómek kórsetiletin bolady. Qosymsha 1414 nómiri arqyly tikeleı konsýltatsııa alýǵa bolady», - dedi Mádı Tákıev.

Sonymen birge, mınıstrdiń aıtýynsha, ekinshi deńgeıli bankterdiń servısi arqyly da deklaratsııa tapsyrýǵa bolady.

«Alys aýdandarda, ınterneti joq aýyldarda «Qazposhtamen» birge deklaratsııany qamtamasyz etemiz», - dep tolyqtyrdy M. Tákıev.