Shaqshaq Jánibek jaıly jańa kitap jaryq kórdi
«Bolmysy bólek babamyz» atty bul týyndynyń avtorlary - Qostanaı oblystyq sotynyń tóraǵasy Aslambek Merǵalıev pen jýrnalıst Abylaı Maýdanov. Kitapta tarıhı tulǵanyń ómir súrgen kezeńi, ósken ortasy, qolbasshylyq qabileti, mámilegerlik qyry týraly derekter toptastyrylǵan.
Qazaqtan shyqqan tuńǵysh tarhannyń ata-baba shejiresi jaıly oqyrman qaýym habardar bolsa da, naǵashy jurty týraly málimetter mardymsyz bolatyn. Avtorlar osy olqylyqtyń ornyn toltyrý maqsatynda tyń izdenister jasaǵan. Osylaısha, batyrdyń naǵashy jurty jaıly tolyqqandy aqparat alǵash ret oqyrmanǵa usynylyp otyr. Sondaı-aq, kitapta qazaq halqynyń qalyptasý tarıhy, el basqarǵan alyp tulǵalardyń analary jaıly maǵlumattar da molynan qamtylǵan.
Elbasynyń «Bolashaqqa baǵdar: rýhanı jańǵyrý» oı-tolǵamy kópshilik qaýymnan qyzý qoldaý taýyp, irgeli ister atqarylýda. Shaqshaq Jánibek jaıly jańa kitap shyǵyp qana qoımaı, Qostanaı qalasynyń tórinen batyr babamyzǵa eskertkish te ornatyldy. Eskertkishtiń saltanatty ashylýy qarsańynda kitaptyń jaryq kórýi - Jánibektanýǵa qosylǵan úles ekeni daýsyz.