Shákárim Qudaıberdiulyna arnalǵan saıt ashyldy
2018 jyly aqyn, aýdarmashy, sazger, tarıhshy, fılosof Shákárim Qudaıberdiulynyń týǵanyna 160 jyl tolady. Shákárim Qudaıberdiuly - Abaıdaı uly ustazynan tálim-tárbıe alyp, amanat-ósıetin eki etpeı, qazaq ádebıetiniń damýyna zor úles qosqan aqyn.
Shákárim Qudaıberdiulynyń 160 jyldyq mereıtoıy qarasańynda «Shakarim.kz» saıty ashyldy.
«Bostandyq tańy atty» dep barshaǵa qýana jar salǵan Shákárimniń armany oryndaldy. Bul tek Shákárimniń ǵana emes barsha alash jurshylyǵynyń armany edi. Sondyqtan saıttyń bas beti Shákárimniń «Bostandyq tańy atty» óleńimen ashylady. Zaman talabyna saı jańa tehnologııalar qarqyndy damyp kele jatyr. Sondyqtan mýzeı salasy da zaman kóshine ilesip, alǵa jyljýy shart. Mýzeıge adamdardyń jıi kelýge múmkindigi bola bermeıdi. Mýzeı qoryndaǵy aqyn murasyn keńinen nasıhattaý maqsatynda usynylyp otyr.
Bul saıtty jasaý barysynda kóptegen materıaldar, qujattar, arhıv derekteri jınaldy. Abaıdyń «Jıdebaı-Bórili» memlekettik qoryq-mýzeıiniń qorynda jyldar boıy muraǵattar men ǵylymı zertteýler barysynda jınaqtalyp kelgen qor materıaldary, mýzeı kitaphanasyna kelip túsken kitaptar men merzimdi baspasóz basylymdary basshylyqqa alyndy.
Sondaı-aq, mýzeı qoryndaǵy aqyn tulǵasy, onyń ómiri men shyǵarmalary negizindegi beıneleý óner týyndylary jáne Shákárim ánderin osy saıttan tabýǵa bolady.