Shahtınsktegi qaıǵyly oqıǵa: qaıyqpen ketken eki adamnyń bireýi ǵana tabyldy

<p>ASTANA. KAZINFORM &mdash; Shahtınsk qalasynan 2 shaqyrym jerde, Lenın atyndaǵy shahta aımaǵyndaǵy jasandy sý qoımasynda 1 maýsymda qaıyqpen ketip oralmaǵan eki er adamdy izdestirý jumystary jalǵasyp jatyr.</p>

2 maýsym kúni tańerteń qutqarýshylar jaǵadan 500 metr qashyqtyqta bolǵan motorly qaıyqtan 1958 jyly týǵan er adamnyń denesin tapty. 1967 jyly týǵan ekinshi er adamdy izdeý jalǵasyp jatyr. Oqıǵanyń mán-jaıy men ólim sebebi ázirge belgisiz, - dep habarlaıdy Qaraǵandy oblysynyń TJD baspasóz qyzmeti.

Іzdestirý jumystaryna TJD jeke quramynyń 7 qyzmetkeri men 2 avarııalyq-qutqarý tehnıkasy, Jedel-qutqarý jasaǵynyń 5 mamany men 2 tehnıkasy, 2 sý kóligi jáne 1 kvadrokopteri, Іshki ister bóliminen 10 adam jáne 2 tehnıka, 10 erikti men 2 tehnıka jabdyǵy jumyldyrylǵan. 

Qaraǵandy oblysynyń TJD balyq aýlaý kezinde qaýipsizdik erejelerin saqtaý qajettigin jáne sý quralynda qutqarý jıletin kııý nemese qutqarý quralyn paıdalaný qajettigin eske salady.

Buǵan deıin Óskemende joǵalyp ketken eki balyqshynyń biriniń denesi Ertis ózeninen tabylǵan edi.

Kamıla Múlik