Shahtınskte 232 mln teńge jymqyrǵan bólim basshysy sottaldy

NUR-SULTAN. QazAqparat – Shahtınsk qalasy ákimdiginiń qurylys bóliminiń basshysy men eki kásipker asa iri kólemde qarajat jymqyrdy dep aıyptaldy, dep habarlaıdy QazAqparat.

«Qaraǵandy oblysyndaǵy sybaılas jemqorlyqqa qarsy qyzmet «Shahtınsk qalasy ákimdiginiń qurylys bólimi» MM basshysy M.S. Álıevke jáne «Baıtas HHI» JShS menedjerleri Tsoı A.D. jáne Han D.P. qatysty jemqorlyq qylmysy jónindegi sotqa deıingi tergeýdi aıaqtady. Olar 232 mln teńgege jýyq bıýdjet qarajatyn jymqyrý kúdigine ilingen edi. Al kásipkerler bıýdjet qarajatyn jymqyrý boıynsha buryn qozǵalǵan qylmystyq isterdi toqtatý úshin laýazymdy tulǵalarǵa 40 myń dollar kóleminde para berýge árekettengen», - dedi QR Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bıgaıdarov onlaın brıfıngte.

18 naýryzda Qaraǵandy qalasy Qazybek bı aýdandyq sotynyń úkimimen: M. S. Álıev 10 jylǵa, A. D. Tsoı men D. P. Han tıisinshe 8 jylǵa bas bostandyǵynan aıyryldy.

«Sottalǵandar ómir boıy memlekettik qyzmette belgili bir laýazymdardy atqarý quqyǵynan aıyryldy», - dep tolyqtyrdy Bıgaıdarov.