Shahtınskidegi jylý beretin kásiporynda jóndeý jumystary aıaqtaldy

ShAHTINSK. QazAqparat - Jazda «Shahtınskteploenergo» kásipornynda №3 stansa qazanagregat jáne VM-35 maıly sóndirgishter kúrdeli jóndeýden ótti, dep habarlaıdy QazAqparat Qaraǵandy oblysy ákiminiń baspasóz qyzmetine silteme jasap.

Aǵymdaǵy jóndeý jumystary taǵy bir qazanagregat, týrboagregator, baılanys transformatory men birneshe maıly sóndirgishterinde ótkizildi.

Buǵan qosa, otyndyq-kólik tsehynyń, býldozerlerdiń, qosymsha qurylǵylardyń, sorǵylar, súzgiler, baktardyń jabdyqtary qalpyna keltirildi.

Jazda tsehtardaǵy jaryqtar, jylý jáne magıstraldyq jelilerdiń qubyrlaryndaǵy aqaýlary bar ýchaskileri jóndeldi. 
Qazirgi tańda №4 qazandyqtyń kúrdeli jóndeýi aıaqtalýǵa jaqyn. Qalǵan ekeýi jumys istep tur. Kásiporyn dırektory Rýslan Baınııazovtyń aıtýynsha ol ekeýi bekitilgen temperatýralyq rejimdi saqtaýǵa múmkindik beredi. 
«Ázirge aýa raıy qatty sýyq emes, eki qazandyqtyń qýaty jetkilikti. Ádette, biz úshinshi qazandyqty aýa temperatýrasy -25-ten tómen bolǵan jaǵdaıda qosymsha qosamyz. Jóndeý jumystary josparǵa saı ótip jatyr, sondyqtan aıazdar bastalarda barlyǵy daıyn bolady», - dep sendirdi ol aımaq basshysyn. 
Sondaı-aq, ǵımarattyń zaqymdalǵan shatyry jóndeldi. Kásiporyn dırektory jumys sapasy úshin kepildik berip, Qaraǵandy oblysynyń ákimi Erlan Qoshanovqa bıylǵy jyly qıyndyqtar bolmaýy tıis dedi. 
Qazir «Shahtınskteploenergo» kásipornynda qajetti kómir jáne mazýt qory bar. Qatty otyn - 20 kúnge, mazýt 110 kúnge jetedi.