Shahtınskide balasyna alıment tólemegen áke sot úkimimen qar kúrep, kóshe sypyratyn boldy

<p>QARAǴANDY. KAZINFORM - Qaraǵandy oblysynda 27 925 kámeletke tolmaǵan balaǵa alıment óndirip alý boıynsha 20 myńnan astam qujat oryndalyp jatyr.&nbsp;</p>

Ótken jyldan beri qasaqana alıment tólemegender prokýratýranyń úılestirýimen qylmystyq jaýapkershilikke tartylyp jatyr.

Bul shara boryshkerlerden qaryzdy óndirip alýǵa oń áserin tıgizip otyr. 

Ádette qylmystyq isti tergeý satysynda boryshkerler alıment bereshegin tolyǵymen ótep, is taraptardyń tatýlasýymen toqtatylady.

2023 jyldan beri 102 qylmystyq istiń 60-y taraptardyń tatýlasýy jáne qaryzdyń ótelýine baılanysty toqtatyldy.

36 qasaqana boryshkerge úkim shyqqan. 

Mysaly, kámeletke tolmaǵan Sh-nyń ákesi ulyn asyraýǵa qarajat tólemegen. Onyń 3 mıllıon teńgeden astam qaryzy bolǵan.

Shahtınsk qalasy prokýratýrasynyń aktisi negizinde polıtsııa Qylmystyq kodekstiń 139-baby boıynsha sotqa deıingi tergeýdi bastady.

Sot úkimimen boryshker probatsııalyq baqylaý jáne májbúrli eńbekke tarta otyryp, bas bostandyǵyn shekteýge sottaldy.

Endi boryshker áke qaryzdy óteýmen qatar 100 saǵat jumys isteýi kerek.

Jalpy, búgingi tańda prokýrorlyq den qoıý sharalarymen 4 mıllıon teńgeden astam alıment óteldi.

Qalǵan boryshkerlermen jumys jalǵasyp jatyr. 

Oblys prokýratýrasy alıment tólemegeni úshin ákimshilik (ÁQBtK 669-baby) jáne qylmystyq (QK 139-baby) jaýapkershilik bar ekenin eske salady.