Shahtınsk qalasynda stýdentterge arnalǵan jataqhana ashylady

QARAǴANDY. QazAqparat – Qaraǵandy oblysynda kolledj jataqhanalarynyń jaǵdaıy tekserilip jatyr. Aımaqtaǵy 21 stýdent úıiniń 16-sy tekserildi. Olardyń jaǵdaıy týraly oblystyq bilim basqarmasynyń basshysy Gúlsim Qojahmetova aıtyp berdi, dep habarlaıdy QazAqparat tilshisi.

Stýdent jataqhanalarynyń jaǵdaıyn tekserý úshin mobıldi top quryldy, onyń quramyna Nur Otan partııasynyń sybaılas jemqorlyqqa qarsy departamentiniń, oblystyq bilim basqarmasynyń jáne bilim berýdi damytýdyń oqý-ádistemelik ortalyǵynyń ókilderi kirdi. Olar qazan aıynyń basynan bastap Qaraǵandy, Saran, Prıshahtınsk jáne Abaı aýdany kolledjderi stýdentteriniń jaǵdaıyn zertteı bastady.

«Qaraǵandy oblysynda memlekettik kolledjderde 21 jataqhana jumys isteıdi. Biz olardyń 16-synda turmystyq jaǵdaıdy jáne sanıtarııa talaptarynyń saqtalýyn zerttedik jáne jumysty jalǵastyramyz. Bizdiń mindetimiz – jataqhanada stýdentterdiń turýy úshin ońtaıly jaǵdaı jasaý», - dedi Gúlsim Qojahmetova.

Bul jumys Balqash, Jezqazǵan jáne óńirdiń basqa da aýdandarynda jalǵasady.

Bıyl jyldyń sońyna deıin Shahtınsk qalasynda jańa stýdent jataqhanasyn ashý josparlanyp otyr. Stýdentterdiń jatyn orynynyń jetispeýshiligi máselesin sheshý úshin Shahtınsk tehnologııalyq kolledjiniń ǵımaratynyń biri jóndeldi. Jańa jataqhanaǵa 80 stýdent ornalasa alady. Jóndeý jumystaryna 147 mln teńge bólindi jáne olar aıaqtalyp qaldy. Jyl sońyna deıin jataqhanany paıdalanýǵa berý josparlanyp otyr.