Shahtınsk qalasynda kópbalaly otbasylarǵa páter berildi
20:51, 31 Jeltoqsan 2020
ShAHTINSK. QazAqparat – Jańa jyl merekesi qarsańynda Shahtınsk qalasynyń 15 kóp balaly otbasyna páter kilti tabys etildi, dep habarlaıdy QazAqparat tilshisi.
Turǵyndarǵa «Nurly jer» baǵdarlamasy boıynsha Molodejnaıa kóshesindegi qaıta jańartylǵan úıden páter berildi. Jóndeý jumystary bitken páterler qonystanýǵa daıyn. Olardyń ishinde 1 úsh bólmeli, 9 tórt jáne 5 bes bólmeli.
«Búgin kópten kútken baspanaǵa ıe bolǵandardyń barlyǵyn quttyqtaımyz. Sizderdiń úılerińiz árqashan jaıly jáne jyly bolsyn! Tek qýanysh, mahabbat, baqyt jáne jaqsy kóńil-kúı bolsyn»! - dep Shahtınsk qalasynyń ákimi Serjan Aımaqov jańa qonystanýshylardy quttyqtady.
Qala basshysy shahtınskilikterdi turǵyn úımen qamtamasyz etý jumystary kelesi jyly da jalǵasatynyn atap ótti.