Shahtınsk qalasynda áskerı qyzmetshiniń denesi tabyldy

<p>QARAǴANDY. KAZINFORM &ndash; Shahtısk qalasyndaǵy kópqabatty úılerdiń birinde QR Ulttyq ulany &laquo;Ortalyq&raquo; óńirlik qolbasshylyǵy 6505 áskerı bóliminiń kelisimshart boıynsha áskerı qyzmetshisiniń máıiti tabyldy. Áskerı ózine-ózi qol jumsaǵan, dep habarlaıdy Kazinform tilshisi.</p>

Qaıǵyly oqıǵa búgin, 13 qazanda bolǵan. Kelisimshart boıynsha qyzmet etip jatqan áskerı qyzmetshiniń denesin ózi turyp jatqan páterden tapqan. Ol beldikke býynyp qalǵan. Bul oqıǵa qatysty QR Ulttyq ulany «Ortalyq» óńirlik qolbasshylyǵynyń baspasóz qyzmeti resmı málimdeme jasady.

«Aǵymdaǵy jyldyń 13 qazanynda Shahtınsk qalasynda qyzmetten tys ýaqytta ózi turyp jatqan páterden kelisim shart boıynsha áskerı qyzmetshiniń denesi tabyldy. Boljamdy aqparat boıynsha áskerı qyzmetshi otbasylyq-turmystyq janjal negizinde ózine-ózi qol jumsaǵan. Qazaqstan Respýblıkasy Ulttyq ulany „Ortalyq“ óńirlik qolbasshylyǵy áskerı qyzmetshiniń týystary men jaqyndaryna kóńil aıtady», — delingen habarlamada.

Atalǵan fakt boıynsha qylmystyq is qozǵaldy. Oqıǵanyń sebep-saldary anyqtalyp jatyr.