Shahterlerdiń zeınetke shyǵý jasyn tómendetý máselesi qashan sheshiledi

<p>Úkimet otyrysynan keıin BAQ ókilderiniń saýalyna jaýap bergen Eńbek jáne halyqty áleýmettik qorǵaý mınıstri Svetlana Jaqypova shahterlerdiń zeınet jasyn tómendetý máselesi qashan sheshiletinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Biz jyl sońyna deıin zań jobasyn engizýimiz kerek. Búgingi tańda Qarjy naryǵyn retteý jáne damytý agenttigi ómirdi saqtandyrý kompanııalarymen birlesip esepteýler júrgizýde. Biz óz tarapymyzdan eki talapty aıqyndadyq - bul shahterlerdiń 55 jastan asýy jáne BJZQ-da 7 jyl ishinde mindetti kásiptik zeınetaqy jarnalarynyń bolýy», - dedi Svetlana Jaqypova BAQ ókilderiniń saýalyna jaýap bere otyryp.

Mınıstr bul másele jyl sońyna deıin sheshilýi kerek ekenin basa aıtty.

«Tólemder úsh kózden – respýblıkalyq bıýdjetten, ómirdi saqtandyrý kompanııalary men jumys berýshi esebinen júrgiziletin bolady. Biz bir kúnkóris shegi kólemindegi bıýdjettik ótinimdi resimdedik. Onyń úsh jylǵa arnalǵan somasy - 45 mlrd teńge, ıaǵnı jylyna 15 mlrd teńgeden. Munyń bári shahterdiń zeınetaqy jınaqtarynyń qoryna baılanysty bolady. Zeınetaqy jarnalaryn aýdarý 84 aı boıy júrýi tıis. Osy tólemge úmitker adamdardyń sany 46 myńǵa jýyq. Biraq olar eki talapqa da sáıkes kelýi kerek – 55 jas jáne 7 jyl ishinde mindetti kásiptik zeınetaqy jarnalarynyń bolýy», - dep túsindirdi S.Jaqypova.

Eske salaıyq, buǵan deıin shahterler 55 jasta zeınetke shyǵýy múmkin ekenin habarlap edik.