Shahter kásibin transformatsııalaý kerek - Nıkolaı Radostovets

NUR-SULTAN. QazAqparat – Respýblıkalyq taý-ken óndirýshi jáne taý-ken metallýrgııalyq kásiporyndar qaýymdastyǵynyń atqarýshy dırektory Nıkolaı Radostovets shahter kásibin transformatsııalaýdy usyndy, dep habarlaıdy QazAqparat tilshisi.

«Menińshe, kómir – bizdegi eń mańyzdy strategııalyq resýrs. Jáne de shahter kásibi kómirdi óndirilgen jerinde qaıta óńdeý, jańa óndirister qurý turǵysynda salany reformalaý pozıtsııasynda transformatsııalanýy qajet. Osyǵan oraı qoǵamda «shahter kásibi – joǵalyp bara jatqan mamandyq» degen taqyryptyń talqylanǵanyn qalamas edim», - dedi Nıkolaı Radostovets ІІ Kómir ónerkásibi forýmy barysynda.

Osy rette ol kómirdi qaıta óńdeýdi damytý qajettigin basa aıtty.

«Іs júzinde Úkimet jáne báoimizge kómir salasyn ónimniń jańa túrlerin qalyptastyratyn, ony eksportqa shyǵara alatyn joǵary qaıta bólinis salasy, qaıta óńdeý salasy retinde saqtap qalý qamyn oılaýymyz kerek. Qazirgi ýaqytta Shubarkól ónimniń birqatar jańa túrin, onyń ishinde kokshımııa shyǵara bastaǵanyn bilemin. Gazdy da, munaıdy da, dárilik baǵyttaǵy ónimderdi de shyǵarýǵa bolady», - dedi qaýymdastyqtyń atqarýshy dırektory.