Shahtaǵa ózim túsip, jumysshylar máselesimen tanystym – Ulytaý oblysynyń ákimi

<p>Ulytaý oblysynyń ákimi Berik Ábdiǵalıuly Jibek Joly telearnasyndaǵy <a href="https://www.youtube.com/watch?v=6KpZ-on4YJs&amp;ab_channel=JibekJolyTV" target="_blank" rel="noopener">&laquo;Ýáde&raquo;</a> baǵdarlamasynda oblystaǵy óndiris oryndarynda qaýipsizdik qalaı tekseriletinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Oblysta iri shahtalar men óndiris ortalyqtary bar. Ondaǵy eńbek qaýipsizdigi qanshalyqty saqtalǵan? Kórshi oblystaǵy sıtýatsııalardy kórip otyrmyz. Oblystaǵy jumysshylardyń qaýipsiz eńbek etýin qanshalyqty qadaǵalap qaraısyz? Infraqurylym tozdy ma, kompanııalar jumysshylar aldyndaǵy mindettemelerin oryndaýda, sizderde tekseris júrgizý quzyreti bar ma?», - dep suraq qoıdy baǵdarlama júrgizýshisi Erbolat Muhamedjan.

Óz jaýabynda ákim jalpy memlekettik organdarda tekserý quzyreti bar ekenin, oblys ákimdiginde eńbek ınspektsııasy jumys isteıtinin atap ótti.

«Ótkende ókinishke qaraı, Sátpaev qalasyndaǵy shahtada bir adam kóz jumdy. Osynyń bárin eńbek ınspektsııasy tekserip jatyr. Oǵan qosa, bizde Tótenshe jaǵdaılar mınıstrliginiń Óndiris qaýipsizdigi departamenti bar. Olar da mindetti túrde tekseredi jáne bizde arnaıy monıtorıng prokýratýranyń qatysýymen óńirlerde kompanııa ishindegi jumystyń eńbek kodeksi men basqa da zańdardyń talaptaryna sáıkestigi tekserilip turady. Ásirese sońǵy oqıǵadan keıin baqylaý tipti kúsheıtildi. Byltyr jáne bıyl kóktemde Sátpaev qalasynda eki ret shahtaǵa tústim. Problemalardy óz kózimmen kórdim, qazir tekserý jumystary júrip, sebebi anyqtalyp jatyr. Máselen, «Qazaqmys» korporatsııasy qaýipsizdik pen tehnıkaǵa kóp mán beredi. Qaıǵyly oqıǵalardy boldyrmaýǵa kompanııalardyń ózi múddeli», - dedi oblys ákimi.

Buǵan deıin Berik Ábdiǵalıuly Ulytaý oblys retinde bólingeli qandaı jumystar atqarylyp jatqanyn baıandaǵan edi.