Shahtadaǵy apat: Ózbekstan da Qazaqstan halqyna kóńil aıtyp jatyr

<p>Jalpyulttyq aza tutý kúniniń jarııalanýyna baılanysty búgin Qazaqstannyń Ózbekstandaǵy Elshiliginde elimizdiń Memlekettik Týy tómen túsirildi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Sheteldik dıplomattar, Ózbekstannyń memlekettik organdarynyń ókilderi, qoǵam músheleri shahtadaǵy apattan qaza tapqandardyń otbasylary men jalpy Qazaqstan halqyna qoldaý sózderin aıtyp, elshilikte ashylǵan Kóńil aıtý kitabyna jazba qaldyryp jatyr.

Foto: Kazinform

«28 qazanda Qaraǵandy shahtasynda bolǵan qaıǵyly oqıǵa týraly habardy qaıǵyra qabyldadyq. Kóptegen adamnyń ómirin qıǵan bul jaıtty biz qazaq halqymen birge bastan ótkerip otyrmyz. Qaza tapqandardyń týystary men jaqyndaryna, sondaı-aq dostyq qarym-qatynastaǵy qazaq halqyna kóńil aıtamyn. Zardap shekkenderdiń tezirek saýyǵyp ketýine tilektespiz», - dep jazdy Belarýs Respýblıkasynyń Ózbekstandaǵy Tótenshe jáne Ókiletti Elshisi Leonıd Marınıch Kóńil aıtý kitabyna.

Foto: Kazinform

Eske salaıyq, Qaraǵandy oblysyndaǵy Kostenko shahtasynda qaıǵyly oqıǵaǵa baılanysty 29 qazan Jalpyulttyq aza tutý kúni bolyp jarııalandy.

Qosa ketsek, búgin saǵat 14:00-degi málimetke saı, Kostenko atyndaǵy shahtada 38 adamnyń denesi tabyldy, 8 kenshini izdeý jalǵasýda.