Shahtadaǵy apat: Mert bolǵan kenshilerdiń jeke basyn anyqtaý qıynǵa túsýde

<p>Kostenko shahtasynda mert bolǵan kenshilerdiń jeke basyn anyqtaý qıynǵa túsip jatyr. Bul týraly Kásibı áskerılendirilgen apattyq-qutqarý qyzmetteriniń respýblıkalyq ortalyq shtaby Qaraǵandy fılıaly dırektorynyń orynbasary Jumat Ókenov aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;tilshisi.</p>

«Shahtadan qaza bolǵan 6 adamdy shyǵardyq. Endi bir saǵattyń ishinde 11 adamdy shyǵaramyz. Qazir shahtanyń shyǵys bóliginen mert bolǵandardy joǵary kóterýge daıyndap jatyrmyz. Apat kezinde kenshilerdiń denelerine qatty zaqym kelgen. Osynyń saldarynan olardyń aty-jónin anyqtaý qıynǵa túsip jatyr», – dedi J. Ókenov.

Bul turǵyda kóz jumǵan kenshilerdiń tulǵasyn anyqtaýǵa birshama ýaqyt kerek ekenin aıtty.

«Qazir tabylmaǵan 13 adamdy izdestirýge bar kúsh-jigerimizdi salyp jatyrmyz. Apat bolǵan jerde órt aýyzdyqtaldy. Qazir shahtada qutqarýshylardyń jumysyna qaýip joq», – dedi dırektordyń orynbasary.

Eske salaıyq, búgin túnde Qaraǵandy oblysyndaǵy Kostenko atyndaǵy shahtada órt boldy. Saǵat 17.33-tegi málimet boıynsha 33 kenshiniń denesi tabyldy,13 adam izdestirilip jatyr.

29 qazan Jalpyulttyq aza tutý kúni bolyp jarııalandy. Memleket basshysy Qasym-Jomart Toqaev Úkimetke «ArselorMıttalTemirtaý» kompanııasymen ınvestıtsııalyq yntymaqtastyqty toqtatý týraly tapsyrma berdi. Keıin Úkimettiń baspasóz qyzmeti «ArselorMıttal Temirtaý» AQ-nyń menshik quqyǵyn QR menshigine qaıtarý týraly kelisimsharttyń aıaqtalýǵa jaqyn ekenin málim etti.